一家4口移民英國港男準備$370萬盤川網上投票：最多人帶呢個數｜Juicy叮

更新時間：06:51 2024-04-16
發佈時間：06:51 2024-04-16

有人辭官歸故里，有人漏夜趕科場。移民潮下敗走英國回歸香港的大有人在，同時也有人滿肚密圈部署2026年一家四口帶備370萬元舉家移民英國，並早作安排提前兩年向同路人查詢盤川事宜，想知道大家帶備多少銀兩移居他方。透過樓主設立的投票活動得知，原來大多數回應的人士僅帶備呢個數便瀟灑遠走。

波士級港男綢繆移民英國逐張睇↓↓↓↓

樓主上有高堂下有妻房孩子

站於人生交叉點的波士級港男樓主，上有高堂、下有妻房孩子，還有廿幾名公司下屬，作出如此重大決定難免心情徬徨，早前在facebook群組「曼徹斯特香港谷英國曼城香港人」發帖並建立投票活動，自爆自家籌措的盤川銀碼為370萬元外，還八卦查問過來人「初頭籌措幾多錢移民過英國」。同路人守望相助，於是掏心掏肺盡力解答疑難。

波士級港男綢繆移民英國逐張睇＋網民分享心得↓↓↓↓

網民惡搞投票選項

因應樓主建立的投票活動，在樓主提供的100萬內至900萬以上選項以外，網民在選票搞鬼地加入其他選項，包括「三億啦三億就一世無憂」和「移民講信念，銅臭嘅錢唔重要」等。綜觀發帖後約8小時的三甲結果，順序為帶100萬內（34%）、500萬—700萬（15%）和100萬—300萬（13%）；到發帖後大約一星期，三甲結果相若，分別為100萬內（30%）、500萬—700萬（16%）和100萬—300萬（11%）。

波士級港男綢繆移民英國逐張睇＋網民參與盤川投票↓↓↓↓

樓主銀彈足準備一筆過買樓

在留言欄內，銀彈充足的樓主有問有答，以下梳理其準備移民英國的家庭和工作背景，從中可見其心路歷程↓↓↓↓

樓主：在英國人生路不熟

樓主準備以一年多時間安排交接，承認在英國人生路不熟，為整個家庭做這麼大的決定，多少感到有點徬徨。

盤川方面，據樓主透露一向有與妻子研究，準備在當地一筆過買介乎180萬至220萬元（港元，下同）的樓，移民前期開銷為20萬元以內，流動現金預100萬元，若提早至今年底起行的話，預計籌措到350萬至370萬元。

樓主表明，在港聘有廿多名員工的生意會繼續，靠這盤生意，日後每月有3萬至5萬元被動收入，因此在當地毋須急於搵工。至於決定移民，主要為孩子的教育著想，最放不下的卻是堅持留港的「四大長老」。

波士級港男綢繆移民英國逐張睇＋網民分享心得↓↓↓↓

回應的網民大都提供實用又貼心的意見（詳見下圖↓↓↓↓），其中有人具體指：

•「以樓主預有300幾萬港元，買間200幾萬的樓，扣埋之前廿幾萬移英成本，仲淨幾十萬，只要搵份工做，短期內冇問題的，如細路再大點，兩公婆都工作就完全冇問題了」、

•「如果你一早interview（見工）定然後等有offer（聘請）先舉家移民，俾完BNO visa、NHS（ National Health Service，國民保健）同預支一年屋租之後預£1000（折合約9884港元）都夠.....」、

•「搞掂間屋同車同Visa（簽證）嘅費用，其他生活上嘅嘢已經唔係咩大開支，你諗吓，呢度啲人最低工資都生活到，基本支出有幾大吖」。

波士級港男綢繆移民英網民：豐儉由人

有人則以連串問題作引導，稱「你confirm（確認）咗自己去邊一區住未？因為買樓區區唔同價，想買new build（新樓）定二手？排屋／semi（半獨立屋）定獨立屋？香港買定嚟到先買？到咗英國前未入伙會住邊度先？租樓一租要俾一年錢。另外小朋友幾大左右？」。

另有人則認為使費多少實屬豐儉由人，每人情況各異，難作比較——「好難一概而論，房價好睇地區，同樣係3房嘅獨立屋／半獨立屋／排屋／公寓，價差都幾大，不過如果你預算全盤數籌措到400萬以內嘅，大倫敦區應該都消費咗你半數甚至2／3嘅資本，另外你仲要考慮埋買車，所以選比較中部以上嘅地區嘅住房可能啱你嘅budget（預算）多啲」、「要帶幾多錢就豐儉由人，至於其他大數，預多幾十萬裝修同買車」、「每個人都唔同，你過嚟繼續撈定退休，細路讀公立定私校，你住邊個埠，已經爭好遠」。

波士級港男綢繆移民英國逐張睇＋網民分享心得↓↓↓↓

網民沒好氣：到25年先再問啦

還有人覺得樓主太杞人憂天，以一句「到25年先再問啦」打發。更有人坦言「帶幾多錢過嚟冇意思嘅，你不如問下每個月支出好過啦，我點知你每個月使幾多錢......」、「你應該睇你自己想過乜嘢生活，手上仲有啲乜嘢，想小朋友過乜嘢生活，買樓定租樓，同太太商量準備，而唔係公開問我哋」。另有網民以自己的體重搞笑緩和氣氛，稱「我帶咗134磅嚟咋，嚟咗9個月，只係冇咗2磅，而家得番132磅」。