東張西望丨風化案KOL落馬洲離港被捕！直認曾性上癮逾200性伴：有時一日兩個
發佈時間：22:00 2024-04-19
TVB節目《東張西望》連日報道一宗，曾犯非禮案的寵物KOL謝姓男子出獄後，涉誘拐逾20少女的個案，其中最小的受害人更只有13歲。昨晚節目組終於開始播出謝先生的回應，今晚（19日）播出的一集，謝先生更直認自己「性上癮」。
相關閱讀：東張西望丨風化案積犯KOL反擊強姦指控 唔知有人未成年：叫佢唔好亂上男仔屋企
東張西望丨寵物KOL捲風化案被捕？
《東張西望》本周一連五日報道一名曾犯風化案的謝姓男子，出獄後成為寵物KOL，近日被多名受害人報《東張》指控以回家看小動物為由，誘騙女子發生性關係，更被指偷拍性交過程及劫財，最年輕的受害人僅13歲。今晚節目組播出謝先生訪問，他直說自己患「性上癮」：「當時我性上癮，我有睇『心理醫生』（應為心理學家或精神科醫生）。」
KOL指2017年因寂寞壓力性上癮
被問到現時有否求醫，謝先生則說：「唔係啊，即係講緊好耐，我而家好返好耐。我話畀你知，我性上陣癮時，一日一個，有時一日兩個，嗰陣先知嚴重性。」至於曾與多少個女生發生過性關係，他直認：「好多、好多，數之不盡，過200啦。嗰陣真係好誇張，但已經好多年前，講梗係2017、2018年，好細個，仲係𡃁仔，好多嘢做錯。『心理醫生』話我問題係寂寞、有壓力，冇同家人、朋友溝通，將啲壓力收埋喺自己度，啲壓力無去減壓，用咗方法去以性減壓。」
謝先生指自己做錯不少事，只得媽媽不離不棄支持：「佢好失望，我做咁多壞事，我話畀你聽，我阿媽係無辜，真係，禍不及家人。我自己都一錯再錯、性上癮，我（對自己）都好失望，自己都好後悔。我同阿媽都講過呢啲問題，咁大個仔一無所有、一事無成，只可以講喺我最失落時，我爸爸唔撐我，得我阿媽撐我。」
受害人直指KOL講大話
不過受害人Kathy直指謝先生講大話：「佢一開始否認自己係風化犯，而係犯咗有關社會運動嘅罪行，之後再否認自己同未成年少女、或者喺對方唔情願情況下發生關係。係咪逃避心態呢？我諗佢自己最清楚，我哋只係盡力令受害人企出嚟講自己嘅遭遇，最主要係唔想再有新受害者。」
相關閱讀：東張西望丨KOL疑強姦少女傳性病！13歲女受害被逼做一姿勢 涉事者女友聽惡行情緒激動
KOL誘騙少女前情提要？
疑訛稱母失聰性侵少女
受害人Kathy則表示謝先生曾指媽媽是失聰：「我當時聽到門打開咗，我有拍（房）門，然後佢推我返床，好冷漠嘅態度，跟住佢話：『我阿媽，但係佢失聰，就算講咩都聽唔到。』」不過謝先生接受《東張》訪問，否認媽媽是失聰：「失咩聰啊？唔好玩啦。」被問到是否跟受害女子說媽咪失聰，謝先生語氣開始發難說：「2017年嗰條女講嘅嘢，你就信晒！我話畀你聽，所有嘢都係嗰句啦，唔係親眼親自睇到，唔係人哋聽就係真，我有咩要隱瞞呢？」雖然謝先生強調與女友感情穩定，但也表示拍拖期間仍然有結識其他女性：「啱啱一齊未係咁成熟，我哋啱啱拍拖頭一星期我有繼續，但後來我發覺呢個女仔唔介意我過去，真心感受到佢對我好，我就無再咁做好耐。」
相關閱讀：東張西望丨紋身男非禮出獄涉誘拐逾20少女 13歲女童控訴慘被奪初夜兼偷拍
KOL怒斥網民「起底」
謝先生又指自己在網上被起底，個人資料被轉發至討論區：「我律師幫我去搵嗰邊朋友，話佢哋已經涉及『起底罪』，同埋一啲私隱（條例）。佢哋（網民）話搵2萬蚊搵我地址，呢樣嘢係咪合法？香港人睇人XX最開心，我而家X喺度，我唔回應，點解啊？所以矛頭都指向我，我如果講一句，就有十萬人踩我一腳。」
謝先生又指事件令他長期受到滋擾影響生活，又指：「呢啲受害者屈我、騷擾我係幾時嘅事？唔係呢排，好耐喇喎。」謝先生媽媽亦在旁邊指：「起碼兩、三年。」謝先生續說：「我點解得罪咁多人呢？佢哋IG有個群組，喺我followers喺度搵，專登（佢哋）加入群組。」對於其IG「眾籌」被指違法，他解釋：「一開始唔係畀露宿者，係抽獎嘅啫，當時係想刷流量，宣傳自己做小生意。」謝先生還出示派錢及派飯給露宿者的短片。
受害人怒稱無豪悔意
受害人Kathy直斥謝先生有恃無恐：「咁多受害者現身說法，佢第一時間搵法律尋求庇護，覺得所有矛頭指向佢，感受唔到佢悔意，甚至挑釁受害者，我哋先企出嚟。」Kathy更懷疑有更多人無辜受害：「希望民眾唔好再指責受害者，佢哋只係13、14歲嘅女仔，點解唔係指責個事主？」
《東張》再收到多人求助
而《東張》連日的報道後，近日再受到多名受害人報料求助，被同一手法被涉事男子引誘到寓所性侵，有兩名受害人昨晚亦到灣仔警署報案。昨晚報案後，今日（19日）凌晨警方在落馬洲管制站截獲正準備離開香港的謝先生，警方以威脅促致他人作非法性行為、窺淫、非禮及盜竊四項罪名拘捕謝先生，並扣留調查。警方亦同時呼籲其他受害人盡快與警署聯絡，熱線電話為5966-7815，所有提供資料會作保密。
其他文章：
東張西望丨曾犯非禮案紋身男出獄「改頭換面」做網紅 疑誘騙逾20少女性交兼傳播性病
東張西望丨60歲女惹狂蜂浪蝶被鄰居針對？反遭指有妄想症：佢話業主用背脊非禮佢
東張西望丨屯門賣唱團大媽爆有賣淫服務？捧場老翁護女神 襲擊攝製隊變流血事件
東張西望丨外傭拍片炫富揭偷遺物？探病仲影相Po上網 僱主：似請咗個小姐返嚟歎
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
