翟威廉直認「SP玩家」贏盡好評封真漢子 5字親回TVB性伴名單？公開「選妃」要求
發佈時間：12:30 2024-05-10
39歲「八料港男」翟威廉今年3月與TVB結束13年賓主關係，回復自由身的他無包袱一身輕，近日接受本報訪問時，更稱「我都冇Fans㗎啦」有問必答，大方承認是逾10年經驗的「SP玩家（性伴侶又稱炮友）」，甚至以「驚人」形容數量！昨日（9日）報道一出掀起全城熱話，不少網民都大讚翟威廉敢作敢為真漢子，反應正面，及後他亦親回大家最關心的「TVB性伴名單」。
相關閱讀：翟威廉承認有海量性伴侶：反正冇Fans唔想再講大話 離巢TVB一身鬆自爆搵炮友逾10年丨獨家
翟威廉認「SP玩家」網民Like爆？
翟威廉早於3年前被麥貝夷數臭「食」完唱，指男方只視她為「炮友」，更踢爆對方性伴侶驚人。翟威廉近日受訪時大膽直認：「其實多年來我就係咁樣（多伴侶）生活，呢個就係我生活模式。（SP數量？）因為唔係日日見，有啲一個月，有啲半年，甚至喺日、韓都有，可能常任（相熟SP）得幾個，但我唔想講驚人數量，如果係玩家一定會明。」並謂圈中都好多低調的同道中人，但強調並非推廣「約炮」行為，只是從社會現象角度探討和分析，自己平日亦甚少提及私生活及詳情，不希望被斥教壞人。
翟威廉成連登仔偶像
結果網上反應熱烈，討論區更近乎一面倒好評，甚至想拜翟威廉為師：「欣賞，敢做又敢認」、「其實佢大大方方承認，好過啲懶係清純嘅好多」、「敢言respect」、「呢樣又幾欣賞佢，講完出嚟不知幾爽，唔使就住就住」、「呢啲條件無SP先係新聞」、「如果佢無海量SP，算唔算浪費咗天賦」、「隊尾喺邊？」、「香港先生識多國語言又留學日韓，過氣藝人嚟講佢個Package係女都鍾意啦，我係男人都葡萄佢」、「開only fans做香港第一男優」、「翟Sir收唔收徒弟？」等。
翟威廉猛料背景：
然而網民最好奇哪些TVB女藝人做過他的SP，對此翟威廉回覆傳媒稱：「冇，冇女藝人。（一個都冇？）冇冇冇，就係冇。」他續指，認識許多圈中人都對伴侶忠實，大家有各自性格，認為「約炮」只是一種生活方式，不值得推崇，目前最重要努力工作、愛錫家人，希望大家別過分將焦點放在其性生活上。翟威廉又給予忠告，指最緊要將心比己，不要傷害他人，雙方要有共識及知規矩，被問到對SP要求？他坦言偏向不會找年紀太細：「年紀大多數見識多、知道玩法，總之個人要穩陣。」
其他文章：
「八料港男」翟威廉親認上月低調離巢 見證公司變遷嘆香港演藝界難撈
獨家丨麥貝夷停食抗抑鬱藥冇再嬲翟威廉 「炮友」已成歷史靠益生菌踢走13磅
獎門人丨前港姐陳若思緊身露腰裝上陣 埋身肉搏翟威廉狂以上身施壓爭櫈仔
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
